Blog-banner

СӨХ-ийн үйлчилгээ

СӨХ, харуул хамгаалалт

Орон сууцны үнэ цэнийг өсгөхөд нөлөөлдөг нэг чухал хүчин зүйл бол СӨХ юм.  Орон сууц ашиглалтад орсон цагаас эхлэн хувийн эзэмшлийн талбай, гаднах орц, дээвэр, гадна орчны тохижилт зэрэг нь дундын өмчид тооцогдож, харин түүнийг харж, хянаж, хариуцаж, түүнчлэн оршин суугчдын эрх ашгийг хамгаалж, тав тухтай байдлыг хангаж байх томоохон үүргийг СӨХ хүлээдэг учраас тухайн орон сууц ирээдүйд ямар дүр төрхтэй үлдэх эсэх нь энэхүү байгууллагаас шууд хамаарч байдаг.

River Garden хотхоны хувьд ногоон байгууламж бүхий талбай, оршин суугчдын цэцэрлэг, хиймэл нуур, спортын иж бүрэн талбай, харуул хамгаалалт гэх мэтчилэн оршин суугчдын дундын өмчүүд олон бий.

Хотхоны СӨХ-ийн үйлчилгээ олон улсад  үйлчилгээний байгууллагууд ямар байх ёстой тэрхүү стандартын дагуу оршин суугчиддаа үйлчилдэг.

24 цагийн турш СӨХ-ийн оператор ажиллаж оршин суугчдын дуудлагыг цаг тухайд нь авдаг. Өдөр шөнө алинд ч ялгаагүй дуудлага хүлээн авч яаралтай тулгамдаж буй асуудлыг тэр дор нь шийдвэрлэдгээрээ давуу талтай.

СӨХ нь хотхоны хүрээнд цэвэрлэгээ, засвар үйлчилгээг тогтмол хийн мэргэжлийн инженерийн зөвлөгөөгөөр , жилийн дөрвөн улирлын турш ногоон байгууламжийг арчилж тордох, услах ажлыг явуулан оршин суугчиддаа  эрүүл, цэвэр орчинг бүрдүүлэн ажиллаж байна.

Оршин суугчдынхаа нийгмийн оролцоог дээшлүүлэх, эрч хүчтэй амьдралын хэв маягийг бий болгох үүднээс хүүхдийн баяр, шинэ жил зэрэг уламжлалт баяруудыг оршин суугчдын дунд өргөн хүрээнд тэмдэглэн өнгөрүүлдэг.